sallu alaihi wa aalihi lyrics

0
2809

 Sallu Alaihi wa Aalihi – صلواعلیہ وآلہ Naat lyrics

نعتِ رسولِ مقبولﷺ

سرِ لامکاں سے طلب ہوئی
سوئے منتہی وہ چلے نبی
کوئی حد ہے ان کے عروج کی
بلغ العلیٰ بکمالہ

یہی ابتداء یہی انتہا
یہ فروغِ جلوہ حق نما
کہ جہان سارا چمک اٹھا
کشف الدجیٰ بجمالہ

رُخ مصطفیٰ کی یہ روشنی
یہ تجلیوں کی ہماہمی
کہ ہر ایک چیز چمک اٹھی
کشف الدجیٰ بجمالہ

وہ سراپا رحمتِ کبریا
کہ ہر اک پہ جن کا کرم ہوا
یہ کلامِ پاک ہے برملا
حسنّت جمیع خصالہ

یہ کمالِ خُلق محمدی
کہ ہر اک پہ چشمِ کرم رہی
سرِ حشر نعرہ اُمتی
حسنّت جمیع خصالہ

وہی حق نگر وہی حق نما
رُخ مصطفیٰ ہے وہ آئینہ
کہ خدائے پاک نے خود کہا
صلواعلیہ وآلہ

مرادین عنبرِ وارثی 
بخدا ہے عشقِ محمدی
مرا ذکر و فکر ہے بس یہی
صلواعلیہ وآلہ

LEAVE A REPLY

Please enter your comment!
Please enter your name here