الفاظ کا انتخاب – مدنی شاھد

0
446

الفاظ کا انتخاب
۔۔۔۔۔۔۔۔۔۔۔۔۔۔۔۔۔
ایک دفعہ ایک بادشاہ نے ایک دست شناس و ستارہ شناس کو بلایا۔اس سے اپنا احوال پوچھا، منجم نے حساب لگایا، زائچہ بنایا اور بادشاہ کو بتایا۔
” جہاں پناہ! آپ کے سب عزیز آپ کے سامنے مر جائیں گے”
بادشاہ اتنی بری خبر سن کر بڑا پریشاں ھوا، اسے غصہ آ گیا،
اس نے منجم کو گرفتار کرا دیا، سلطنت میں منادی کرا دی گئی، کہ کوئی اور نجومی بادشاہ کے لئے حساب لگائے۔ ایک آدمی حاضر ھوا، اس نے حساب لگایا، زائچہ بنایا اور کہا۔
” جہاں پناہ! آپ اپنے سب عزیزوں سے زیادہ عمر پائیں گے”
بادشاہ خوش ھو گیا، بولا، مانگ کیا مانگتا ھے۔ منجم نے کہا،” جہاں پناہ! بس میرے استاد کو رہا کر دیں” بادشاہ نے وضاحت چاھی تو منجم نے کہا گرفتار منجم میرا استاد ھے،
جو بات انہوں نے بتائی ھے، وھی میں نے بھی بتائی ھے، بس وہ الفاظ کے انتخاب میں محتاط نہ ھو سکا، بات ایک ھی ھے ادائیگی مختلف ھے۔۔۔

۔۔۔۔۔۔ حسنِ انتخاب۔۔۔۔ مدنی شاھد ۔۔۔۔۔۔۔۔۔

LEAVE A REPLY

Please enter your comment!
Please enter your name here